कस्तो रहला आजको मौसम ?

काठमाडौँ - हाल देशको पहाडी भू-भागमा आंशिक बदली  रही अन्य भू-भागमा मौसम सामान्यतया सफा रहेको छ। मौसम पूर्वानुमान महाशाखाका अनुसार प्रदेश १ र बागमती प्रदेशका एक-दुई स्थानमा मेघ गर्जन/चट्याङ्गसहित हल्का वर्षा भइरहेको छ।

आज दिउँसो प्रदेश १, बागमती र गण्डकी प्रदेशमा आंशिक बदली  रहि बाँकी भू-भागमा सामान्यतया सफा रहने महाशाखाले जनाएको छ। प्रदेश १,  बागमती र गण्डकी प्रदेशका केही  स्थानमा र बाँकी प्रदेशका एक/दुई स्थानमा मेघ गर्जन/चट्याङ्ग  र  हावा  हुरीसहित हल्का वर्षाको सम्भावना रहेको छ।

आज राति  प्रदेश १, मधेश प्रदेशलगायत देशको पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सामान्यतया सफा रहनेछ। प्रदेश १, मधेश, बागमती र गण्डकी प्रदेशका थोरै स्थानमा र अन्य प्रदेशका पहाडी भू-भागका एक-दुई  स्थानमा मेघ गर्जन/चट्याङ्ग  र हावा हुरीसहित हल्का वर्षाको सम्भावना रहेको छ।

हाल नेपालमा स्थानीय वायु, भारतको  उत्तर प्रदेश, बिहार आसपास रहेको न्यून चापीय रेखा र पश्चिमी वायुको प्रभाव रहेको छ।