काठमाडौँका मेयर र उपमेयरले आज शपथ लिँदै, आजै पदभार ग्रहण गर्ने

काठमाडौँ - काठमाडौँ महानगरपालिकाका नवनिर्वाचित मेयर बालेन्द्र (बालेन ) साह र उपमेयर सुनिता डंगोलसहित ३२ वटै वडाका वडाध्यक्ष र सदस्यले आज शपथ लिँदैछन् । सोमबार बिहान १० बजे महानगरका मुख्य निर्वाचन अधिकृत राजकुमार खतिवडाले  मेयर साहलाई राष्ट्रिय सभागृहमा पद तथा गोपनीयताको शपथ ग्रहण गराउने कार्यक्रम छ।

त्यसपछि मेयर शाहले उपमेयर डंगोललाई र वडाध्यक्षलाई शपथ ग्रहण गराउने छन् । महानगरका प्रमुख साह र उपप्रमुख डंगोलले बिहान ११ बजे पदभार ग्रहण गर्ने कार्यक्रम तय भएको छ ।

 मेयर साह स्वतन्त्रबाट निर्वाचित भएका थिए भने उपमेयर डंगोल नेकपा एमालेका तर्फबाट निर्वाचित भएकी हुन् ।