विकास गरेको देख्‍न नसक्नेहरू मलाई हटाउन लागिपरेका छन् : प्रधानमन्त्री

काठमाडौँ : प्रधानमन्त्री केपी शर्मा ओलीले आफूले मुलुकको देश विकास गर्न लागेकाले त्यो देख्‍न नसक्नेहरूले हटाउनका लागि अनेक प्रपञ्च रचिरहेको बताएका छन् । मंगलबार राजधानीमा आयोजित कार्यक्रममा प्रधानमन्त्री ओलीले केही राजनीतिक दलको अहिलेको मुख्य काम ‘केपी ओली हटाउ’ रहेको बताए । 

‘अहिले केही राजनीतिक दल र बुद्धिजीवीहरू कसरी हुन्छ केपी ओलीलाई हटाउनु पर्छ भनेर लागिरहेका छन् । करण ओलीले विकासका काम सबै गर्न लागिसक्यो हामीले भजाउने एजेण्डा भएनन् भन्ने हो,’ ओलीले भने, ‘देश विकास गर्दा धेरैलाई गाह्रो भएको छ ।’
 
आफूले तराईको समस्या समाधान गरेको, विप्लव माओवादीका समस्या समाधान गरेको, पूर्व-पश्चिम राजमार्ग चौँडा गरेको, तुइन हटाएको, मेलम्चीको बाटो काठमाडौंमा ल्याएको देख्‍न नसकेर हटाउनलाई कम्मर कसेर लागेको बताए ।
 
अहिले दलहरूले राजनीति नगरेको पनि बताए । देश कहाँ संकटमा पर्‍यो भनेर ओलीले उल्टै प्रश्‍न पनि गरे । आफूले कसैको मुखमा टेप लगाएर नराखेको पनि ओलीले बताए ।
 
ओलीले आफूले संघबाट प्रदेशमा बजेट पठाउँदा कसैलाई काखा, कसैलाई पाखा नगरेको बताए । उनले बरु सरकारले विकासमा पछि परेको ठाउँमा गौरवका आयोजना सुरु गरेको बताए ।