यामाहा नेपालको एफआइ नयाँ वर्ष योजना

काठमाडौँः यामाहा नेपालले नयाँवर्ष २०७८ को लागिआफ्नो प्रवर्धनात्मक फ्रिडम इनिसिएटेड (एफआइ) नयाँ वर्ष २०७८ योजना सार्वजनिक गरेको छ । नयाँ वर्षको उत्सवलाई हर्षोल्लासमय बनाउन  यामाहा नेपालले प्रत्येक महिनाको भाग्यशाली विजेतालाई बम्पर पुरस्कार वापत् २० लाख ७८ हजाररुपैयाँ प्रदान गर्ने घोषणा गरेको छ । साथै स्क्य्राच कार्ड मार्फत् ग्राहकहरुले २.०७८ लाख रुपैयाँसम्मका सयौं पुरस्कारहरु हरेक हप्ता हात पार्न सक्ने कम्पनीले जनाएको छ । 

ग्राहकलाई थप सुविधादिने उद्धेश्यका साथ यामाहा नेपालले उत्कृष्ट वित्तीय योजनापनि प्रस्तुत गरेको छ, जस अनुसार मोटर साइकल तथा स्कूटरहरु शून्य ब्याज वा न्यून डाउनपेमेन्ट र न्यून किस्ताबन्दी (ई.एम.आई.) सुविधाका साथ प्राप्त हुने यामाहा नेपालका सीईओ चिरञ्जीवि शाहले जानकारी दिए । 

यामाहा नेपालले फ्युल इन्जेक्टेड मोटर साइकल र फ्युल इन्जेक्टेड स्कूटरहररु उपलब्ध गराउने पहिलो ब्राण्ड बन्दै अत्याधुनिक प्रविधियुक्त २ पाँग्रे सवारी साधनहरुको बजारमा ल्याएको छ ।