विशेष सुविधासहित नेपालमा आयो यामाहा आर-१५ एम

काठमाडौँ -विशेष सुविधाहरूसहित यामाहाको नयाँ मोटरसाइकल आर-१५ एम सार्वजनिक भएको छ । यामाहा मोटरसाइकल तथा स्कुटरको नेपालको लागि आधिकारिक विक्रेता कम्पनी एमएडब्लू इन्टरप्राइजेजले आर-१५ एमको आधिकारीक विक्री सुरु गरेको हो । भृकुटीमण्डप स्थित कम्पनीद्वारा वैशाख १५-२१ सम्म आयोजित 'महा एक्सचेञ्ज मेला' को अवसर पारी उक्त बाइक सार्वजनिक गरेको थियो ।

यामाहा आर-१५ एममा यामाहाको सफल मोटरसाइकल आर-१५ भी ३ कै इन्जिन दिइएको छ । यसको डिजाइन भने यामाहा आर-१ एमबाट प्रेरित रहेको छ ।

यामाहा आर-१५ एमको फ्रन्ट लुक यामाहा आर-१५ भी ३ को भन्दा भिन्न र अझै सार्प देख्न सकिन्छ । कम्पनीले आर-१५ एमको फ्रन्टमा सिंगल पड वग आई फङस्नल एलइडी हेडल्याम्प दिएको छ ।

यसमा १५५ सिसी लिक्विड कुल्ड भिभिए इन्जिनलाई नै कम्पनीले निरन्तरता दिएको छ । यसले आर-१५ भी ३ कै समान १८.४ पीएस पावर तथा १४.२ एनएम टर्क जेनेरेट गर्छ । यस ६ स्पीडको गियर बक्स उपलब्ध छ । कम्पनीले यसमा ट्रयाक्सन कन्ट्रोलका साथै क्वीक सिफ्टर र स्लीपर क्लचसमेत दिएको छ । यो मोटरसाइकलमा डेल्टाबक्स फ्रेम र आल्मुनियम स्वीङ आर्मको प्रयोग गरिएको छ ।

आर-१५ एम मोटरसाइकलको दुवैतर्फ डिस्क ब्रेक रहेको छ । त्यस्तै यसमा सुपर वाइड १४० एमएमको रेडियल टायर पाउन सकिन्छ । प्रिमियम फिचरका रुपमा चिनिने अगाडि दिइएको गोल्डेन कलर यूएसडी फर्क, रियरमा मोनोशक सस्पेन्सन, डबल च्यानल एबीएस, साइड स्ट्याण्ड इन्जिन कट सेन्सर, ट्रयाक्सन कन्ट्रोल, क्वीक सिफ्टर जस्ता फिचर उपलब्ध छ । 

आइतबारबाट नेपालभरिका यामाहा शोरुममा उपलब्ध हुने जनाइएको आरवानफाइभ एम को मूल्य नेपाली बजारमा ५ लाख ७९ हजार ९ सय रूपैयाँ रहेको कम्पनीले जनाएको छ ।​आरवान १५ एमको लञ्चसँगै कम्पनीले आफ्नो नयाँ स्किम 'रोड टू मोटो जिपी' पनि सार्वजनिक गरेको छ । 'रोड टू मोटोजिपी' यामाहा बाइक खरिदकर्ताहरूका लागि त्यस्तो स्किम हो जसमा चार भाग्यशाली विजेताहरूले यामाहा प्याडकबाट च्याङ अन्तर्राष्ट्रिय सर्किट, थाइल्याण्डको प्रत्यक्ष मोटोजिपी प्रसारण हेर्ने सुवर्ण अवसर पाउनेछन् । यो स्किम आजबाट यामाहाका जुनसुकै बाइक र स्कुटरको खरिदमा लागू हुने कम्पनीले जनाएको छ ।