बर्दिबास नगरपालिकाको मेयर र उपमेयर दुवैमा स्वतन्त्र उम्मेदवारको अग्रता कायमै

काठमाडौं –महाेत्तरीकाे बर्दिबास नगरपालिकाको मेयर र उपमेयर दुवै पदमा स्वतन्त्रबाट उम्मेदवारी दिएका उम्मेदवारहरुले अग्रता  लिएका छन् ।

हालसम्मका मतगणनामा मेयर पदमा प्रहलादकुमार क्षेत्रीले १० हजार ६३ मत ल्याएर अग्र स्थानमा छन् भने उनका प्रतिस्पर्धी नेकपा माओवादीका राजु खड्काले ६ हजार १ सय ११ मत ल्याएका छन् । 

उपमेयरमा तारा देवीले ६ हजार ९ सय ५० मत ल्याएर अग्र स्थानमा छिन् । माओवादीकी कृष्णमाया गौतामले ५ हजार ९ सय १६ मत ल्याएर तार देवीलाई पछ्याइ रहेकी छिन् ।