कांग्रेस निर्वाचनको पक्षमा छ : उपसभापति निधि

जनकपुरधाम : नेपाली काँग्रेसका उपसभापति विमलेन्द्र निधिले कांग्रेस लोकतान्त्रिक प्रक्रिया निर्वाचनको पक्षमा रहेको बताएका छन् । मंगलबार प्रेस युनियन प्रेस युनियन जनकपुरधामद्वारा आयोजित पत्रकार सम्मेलनमा उपसभापति निधिले प्रतिनिधि सभा विघटन असंवैधानिक भए पनि आफूहरू निर्वाचनको पक्षमा रहेको बताए । 

‘प्रधानमन्त्री केपी शर्मा ओलीले संविधानविपरीत प्रतिनिधि सभा विघटन गर्नुभयो’ उनले भने, ‘ उक्त कार्य असंवैधानिक मात्र होइन अलोकतान्त्रिक र निरंकुश पनि हो ।
ओलीको निर्णय अवैधानिक हो तर निर्वाचन संवैधानिक हो । यसको विरोध कांग्रेससहितका दल र नेपालीले गरिरहेकै छन् ।’

जन निर्वाचित संस्था आवस्यक रहेको भन्दै उपसभापति निधिले त्यसको दुई वटा विकल्प रहेको बताए । ‘विकल्प के त ? विरोध गरेर बस्नु पनि उचित होइन । संघीय लोकतान्त्रिक गणतन्त्र र संविधानको रक्षार्थ जनप्रतिनिधि चाहिन्छ । चाहे त्यो पुनर्स्थापनबाट होस वा निर्वाचनको माध्यमबाट ।’

नेपाली जनतालाई दुवै विकल्पको लागि तयार रहनुपर्ने उनको धभनाइ छ । सर्वोच्चले निर्वाचनमा जान भनेपछि निर्वाचनपछि मात्र नेपाली काँग्रेसको महाधिवेशन हुने उनले स्पष्ट पारे ।