उज्ज्वल थापाको स्वास्थ्य जटिल, आर्थिक संकलन बन्द

फाइल फोटो

काठमाडौँ : कोभिड-१९ संक्रमणबाट ग्रसित विवेकशील समूहका पूर्वअध्यक्ष उज्ज्वल थापाको स्वास्थ्य अवस्था झन् जटिल भएको छ । मेडिसिटी अस्पतालमा उपचारारत थापाको स्वास्थ्य अवस्था शनिबार बिहानदेखि झन जटिल बनेको विवेकशील साझा पार्टीका संयोजक मिलन पाण्डेले जानकारी दिएका छन् । 

उनका अनुसार मेडिसिटी अस्पतालका विशेषज्ञ डाक्टर र स्वास्थ्यकर्मी उपचारमा खटिएपनि अवस्थामा सुधार आउन नसकेको बताइएको छ । यस्तै स्वास्थ्य उपचारका लागि आवश्यक पर्ने आर्थिक सहयोग संकलन अभियान बन्द गरिएको छ ।

पछिल्लो २४ घण्टामा ५० लाख रुपैयाँभन्दा बढी संकलन भएपनि अब थप सहयोग संकलन बन्द गरिएको पाण्डेले जानकारी दिएका छन् ।