लिभरपुलका पूर्व मिडफिल्डर जेरार्ड साउदी क्लबको प्रशिक्षक नियुक्त

काठमाडौँ- इंग्लिस क्लब लिभरपुलका मिडफिल्डर स्टेभेन जेरार्ड साउदी अरेबियन क्लब अल-इत्तिफाकको मुख्य प्रशिक्षक नियुक्त भएका छन् ।

अल-इत्तिफाक र जेरार्डले दुई वर्षको सम्झौता गरेका हुन् ।

इंग्ल्यान्डका ४३ वर्षीय पूर्व मिडफिल्डर जेरार्ड साउदी प्रो लिग क्लबको मुख्य प्रशिक्षक नियुक्त भएको बीबीसीले जनाएको छ ।

क्लबका अध्यक्ष खालिद अल-दाबालले जेरार्डको उपस्थितिले क्लबले थप छलाङ मार्ने दावी गरे ।

१६ टिमको सहभागिता रहने साउदी प्रो लिगको गत सिजनमा अल-इत्तिफाक ३५ अंकसहित सातौं भएको थियो ।

गत अक्टोबरमा एस्टन भिल्लाले मुख्य प्रशिक्षकबाट बर्खास्त गरेयता जेरार्ड कामविहिन थिए ।