राष्ट्रपतिका प्रमुख स्वकीय सचिवलाई मातृशोक

काठमाडौँ : राष्ट्रपतिका प्रमुख स्वकीय सचिव डा. भेषराज अधिकारीलाई मातृशोक परेको छ । उनकी आमा नर्वदा अधिकारी (८३ वर्ष) को मंगलबार साँझ दमक स्थित निवासमा निधन भएको हो । अधिकारीलाई उच्च रक्तचाप र यूरिनको समस्या थियो । 

‘आमाको निधन भएकाले म गाउँ जादैछु । उहाँ अलिक कमजोर हुनुभए पनि रक्त चापबाहेक ठूलो समस्या थिएन,’ डा. अधिकारीले दकम स्थित निवास जाँदै गर्दा टेलिफोनमा मलिन स्वरमा भने, 'आमासँग कुरा भइरहेको थियो तर अचानक यस्तो भयो । हामीले आमा गुमायौँ ।' 

डा अधिकारीकाे आमामा कोभिड-१९ नभएको र  उच्च रक्त चाप नै स्वर्गवासको कारण बनेको पनि बताए ।  नर्वदाकी एक छाेरा शहिद गंगालाल हृदय केन्द्रका चिकित्सक हुन । स्वर्गिय नर्वदाको श्रीमान दिनानाथ, तीन छोरा र छोरी छन् । उनको बुधबार विहान कनकाई घाटमा अन्तिम संस्कार गरिने पनि जनाइएको छ ।