युभेन्ट्सलाई हराउँदै इन्टर मिलान कोपा इटालियाको फाइनलमा

काठमाडौँ- इन्टर मिलान कोपा इटालियाको फाइनलमा प्रवेश गरेको छ ।

युभेन्ट्सलाई पराजित गर्दै इन्टरमिलान कोपा इटालियाको फाइनलमा प्रवेश गरेको हो ।  

बुधबार राति मिलानोमा भएको सेमिफाइनल खेलमा १–० को गोल अन्तरको तथा समग्रमा २–१ को जित निकाल्दै फाइनलमा प्रवेश गरेको हो । 

सो खेलको पहिलो हाफको १५ औँ मिनेटमा फेडरिको डिमार्कोले गरेको गोल नै निर्णायक बन्यो । पहिलो लेग १–१ गोलको बराबरीमा सकिएको थियो ।

अब इन्टरले उपाधिका लागि फियोरेन्टिना र क्रेमोनेस मध्ये एक विजेतासँग खेल्नेछ । यि दुई टोलीबीच आज राति प्रतिस्पर्धा हुदैँछ ।