बार्सिलोना ला लिगा उपाधिनजिक

काठमाडौँ- सन् २०१९ पछि पहिलो पटक बार्सिलोना स्पेनिस ला लिगाको उपाधि नजिक पुगेको छ । शनिबार राति इल्चेलाई ४-० गोलअन्तरले पराजित गर्दै बार्सिलोना उपाधिनजिक पुगेको हो ।

बार्सिलोनाको जितमा रोबर्ट लेवान्डोस्कीले २ तथा अन्सु फाती र फेरान टोरेसले एक-एक गोल गरे । जितसँगै बार्सिलोनाले २७ खेलबाट ७१ अंक जोडेको छ ।

यता दोस्रो स्थानमा रहेको रियल मड्रिडको ५६ अंक छ । बार्सिलोनाले रियल मड्रिडसँगको दूरी १५ अंक पुर्‍याएको छ ।