कुनै विषेश काम नपरी बाहिर ननिस्कनू : निषेधाज्ञा तोड्दा होल्डिङमा परिएला

काठमाडौँ : सरकारले निषेधाज्ञामा कडाई गर्दै आधिकारीक पासबिना सवारी साधान चलाउने र अत्यावश्यक काम बाहेक घर बाहिर चाहार्नेलाई सवारी साधन सहित दिनभर होल्डिङमा राख्ने भएको छ । सरकारले कोभिड-१९ संक्रमणको ‘चेन ब्रेक’ गर्न केही दिन यो ढंगले कडाई गर्न लागेको जनाएको छ । 

कोभिड-१९ सामुन्द्रीक आँधी सुनामी झै काठमाडौँमा पनि फैलन थालेपछि सरकारले उपत्यकामा निषेधाज्ञा लगाएको थियो । तर, त्यसको व्यापक अवज्ञा भएपछि सरकारले यस्तो निर्णय लिएको हो ।

निषेधाज्ञाको आज चौथो दिन हो । सरकारले निषेधाज्ञालाई क्रमशः कडा बनाउदै क्रममा काठमाडौँ उपत्यकाको हरेक मुख्य चोकहरुमा प्रहरी तैनाथी र चेकजाँचमा तीव्रता दिएको छ । 

कोभिड-१९ संकट व्यवस्थापन केन्द्र (सीसीएमसी)को शनिवार बसेको बैठकले काठमाडौं उपत्यकामा निषेधाज्ञा थप कडा बनाउने निर्णय गरेको थियो । त्यो निर्णयलाई मन्त्रिपरिषदले पनि स्वीकार गर्दै अवज्ञा गर्ने व्यक्ति र सवारी साधनलाई होल्डिंगमा राख्‍न थालेको छ । 

आधिकारिक पास बिना सवारी साधन चलाउने र उद्देश्य/आवश्यकता बिना हिडेका व्यक्तिहरुलाई प्रहरीले होल्डिंगमा राखेको छ । १६ गते देखि काठमाडौं उपत्यकाका तीन जिल्लामा एक साताका लागि निषेधाज्ञा लगाइएको छ । 

मन्त्रिपरिषद् बैठकले अर्को एक साता निषेधाज्ञा थप्‍ने निर्णय पनि गरि सकेको छ । यस्तै देशका प्रमुख शहरमा कोरोना संक्रमण बढे सँगै निषेधाज्ञा लगाउने क्रम जारी छ । गृह मन्त्रालयले दिएको जानकारी अनुसार २३ वटा जिल्लामा  पूर्ण र ७ जिल्लामा आंशिक निषेधाज्ञा जारी भएको छ ।  निषेधाज्ञा घोषणा गरिएकामध्ये २१ जिल्लामा शनिबारसम्म निषेधाज्ञा लागू भइसकेको छ भने ९ जिल्लामा आइतबार (आज)देखि लागू  भएको छ ।