चट्याङ लागेर एकको मृत्यु, २ घाइते

हेटौंडाः मकवानपुरमा आइतबार चट्याङ लागेर १ जनाको मृत्यु भएको छ । बिहानैदेखि भएको बर्षास“गै परेको चट्याङ लागेर मकवानपुरगढी गाउ“पालिका-२ का २६ वर्षीय बिराज वाइबाको मृत्यु भएको प्रहरीले जनाएको छ । चट्याङ लागेर सोही ठाउँका २ जना घाइते भएका छन् ।

घाइते ४६ वर्षीय बिर बहादुर वाइबा र ५६ वर्षीय बिरबल वाइबाको अवस्था सामान्य छ । मकावानपुर गढी ६ डुम्रेकुनास्थित बद्रि घिमिरेको गाई गोठमा वर्षाबाट बच्न ओत लि“ने क्रममा मध्यान्न  १२ बजे परेको चट्याङ लागेर तिनै जना घाइते भएका थिए ।

प्रहरीले उनीहरुको उद्दार गरी डुम्रेकुनास्थित सामुदायिक स्वास्थ्य केन्द्रमा पठाएको थियो । सामान्य उपचारपछि थप उपचारको लागि हेटौंडा अस्पताल ल्याउँदा बिराजको भने मृत्यु भएको जिल्ला प्रहरी कार्यालय मकवानपुरका प्रवक्ता अविनाश अधिकारीले जानकारी दिए ।