निषेधाज्ञामा थप कडाइ

काठमाडौं : उपत्यकाका तीनै जिल्लामा प्रशासनले लगाएको निषेधाज्ञामा आइतबारदेखि थप कडाइ गरिएको छ । सडकमा सवारी साधन र नागरिकको आवतजावत नघटेको भन्दै प्रशासनले थप कडाइ गरेको हो ।

उपत्यकामा कार्यालय समयमा सवारी चाप देखिएको छ भने अन्य समय अत्यावश्यक बाहेकका सवारी चलेका छैनन् ।  कोरोना भाइरस संक्रमणको दर बढेपछि चेन ब्रेक गर्न भन्दै उपत्यकाका तीन जिल्ला प्रशासन कार्यालयले गत बिहीबारदेखि एकसातासम्म निषेधाज्ञा लगाएका छन् । मन्त्रिपरिषद् बैठकले थप एकसाता निषेधाज्ञा लगाउने यसअघि नै निर्णय गरिसकेको छ ।