लमजुङ कारागारमा एक कैदीको मृत्यु

सांकेतिक तस्बिर

लमजुङ- जिल्ला कारागार लमजुङमा एक कैदीको मृत्यु भएको छ । शनिबार राति २ बजे कारागारमा अचानक बेहोस भएकाले उपचारको क्रममा उनको मृत्यु भएको जिल्ला कारागार लमजुङका जेलर ताराबहादुर तामाङले बताए ।

मृत्यु हुनेमा जिल्लाको दुधपोखरी गाउँपालिका १ का बर्ष अन्दाजी ३६ वर्षीय रोहनराज धिताल रहेका छन् ।

२०७८ बैशाख १२ गते आपराधिक उपद्र मुद्धामा पक्राउ परेका धिताललाई जिल्ला अदालत लमजुङले २०८० बैशाख १२ गतेसम्म २ वर्ष कैद फैसला गरेको थियो ।