समाज

सरकारले दुबई र कतारमा बाइक राइडर र टयाक्सी ड्राइभर पठाउन अनुमति नदिने

इकागज |
फागुन ९, २०७९ मगलवार १३:५० बजे

काठमाडौँ- सरकारले दुबई र कतारमा 'बाइक राइडर र टयाक्सी ड्राइभर' पठाउन अनुमति नदिने भएको छ । श्रमिक समस्यामा परेकाले दुबई र कतारस्थित नेपाली दूतावासले बाइक राइडर र टयाक्सी चालक पदको मागपत्रलाई प्रमाणीकरण नगर्न अनुरोध गरेकाले अनिश्चित कालका लागि अनुमति नदिने वैदेशिक रोजगार विभागले निर्णय गरेको हो । 

पछिल्लो समय कतार र दुबईमा पुगेका 'बाइक राइडर र टयाक्सी ड्राइभरहरू समस्यामा परेको उजुरी विभागमा परेको छ । रोजगारदाताले कामदारलाई मागपत्र बमोजिमको तलब प्राप्त गर्न नसकेको विभागले जारी गरेको सूचनामा उल्लेख छ ।


कामदारले लाइसेन्स प्राप्त नगर्दा लामो समयसम्म कामविहीन भएर बस्नुपरेको विभागले जनाएको छ । धेरै पटकसम्म ट्राफिक कारबाहीमा पर्दा ठूलो जरिवाना बुझाउनु परेको छ ।

सम्बन्धीत मुलुकको ट्राफिक नियम , सडक अनुशासनको बारेमा ज्ञान नहुँदा र दूर्घटनाले ज्यान गुमाउनु परेको विभागमा दैनिक गुनासो आएकाले ८ गतेको (सोमबार) निर्णयले अर्को निर्णय नभएसम्म तत्काललाई बाईक राइडर र टयाक्सी ड्राईभरको मागलाई स्वीकृत नगर्ने विभागले प्रस्ट पारेको छ ।


Author

थप समाचार
x