दल

कांग्रेस केन्द्रीय कार्यसम्पादन समिति गठन : रामचन्द्र पौडेल र शेखर कोइराला पनि समेटिए (सूचीसहित)

माघ १४, २०७८ शुक्रबार १५:४८ बजे

काठमाडौँ - नेपाली कांग्रेसले केन्द्रीय कार्यसम्पादन समिति गठन गरेको छ । आज बसेको पार्टी केन्द्रीय कार्यसमितिको बैठकले ३७ सदस्यीय कार्यसम्पादन समिति गठन गरेको हो । केन्द्रीय समितिको बैठक भर्चुअल रुपमा बसेको हो । विधानअनुसार सभापति शेरबहादुर देउवाले केन्द्रीय समितिको बैठकमा कार्यसम्पादन समिति गठनबारे पेस गरेको प्रस्ताव अनुमोदन भएको छ ।

कांग्रेस केन्द्रीय कार्यसम्पादन समितिमा पार्टी पदाधिकारी पदेन सदस्य रहने व्यवस्था छ । त्यस्तै वरिष्ठ नेता रामचन्द्र पौडेल, डा.शेखर कोइराला, शशांक कोइरालालगायतका नेता पनि सम्पादन समितिमा समेटिएका छन् ।

कांग्रेसले कार्यसम्पादन समितिको सदस्य हुने कोषाध्यक्ष र प्रवक्ता भने अझै तोकेको छैन । कार्यसम्पादन समिति ४६ सदस्यीय हुने व्यवस्था छ । आज ३७ सदस्यीय समिति बनेको र बाँकी सदस्य भने पछि मनोनीत गरिने बताइएको छ । भर्चुअल बैठकमा महामन्त्री गगनकुमार थापाले कार्यसम्पादन समितिका सदस्यहरुको नाम बाचन गरेका थिए ।

यस्तो बन्यो समिति

शेरबहादुर देउवा -सभापति

रामचन्द्र पौडेल -वरिष्ठ नेता

पूर्णबहादुर खड्का -उपसभापति

धनराज गुरुङ -उपसभापति

गगनकुमार थापा -महामन्त्री

विश्वप्रकाश शर्मा -महामन्त्री

फरमुल्लाह मन्सुर -सहमहामन्त्री

भीष्मराज आङदाम्बे -सहमहामन्त्री

उमाकान्त चौधरी - सहमहामन्त्री

महेन्द्र यादव -सहमहामन्त्री

महालक्ष्मी उपाध्याय डिना - सहमहामन्त्री