कांग्रेस बागमती प्रदेश सभापतिमा देउवा पक्षका बानियाँको अग्रता

हेटौंडाः कांग्रेस बागमती प्रदेश सभापतिको दोस्रो चरणको निर्वाचनमा संस्थापन पक्षका इन्द्र बानियाले अग्रता कायम राखेका छन् । हालसम्म १००० मत गणना गर्दा बानियाँले ५२६ मत प्राप्त गरेका छन् । 

वरिष्ठ नेता रामचन्द्र पौडेल पक्षका उम्मेद्वार जगदिश्वर नरसिंह केसीले ४७० मत प्राप्त गरेका छन् । सुरुवातदेखि नै कांग्रेस सभापति शेरबहादुर देउवा पक्षका बानियाँले अग्रता कायम लिइरहेका छन् ।

---

शनिबार भएको निर्वाचनमा प्रदेश सभापतिको लागि ५० प्रतिशत बढी मत ३ जना उम्मेदवारले ल्याउन नसकेपछि आज फेरि मतदान भएको थियो । आज दिउँसो साढे १ बजे दोस्रो चरणको मतदान भएको थियो । 

साँझ साढे ५ बजे मतदान सकिएको थियो । कुल २ हजार २६ मत खसेको मतदान अधिकृत रामकुमार अधिकारीले बताए । आजै प्रदेश सभापतिको मतगणना सकिएर नतिजा आउने उनको भनाई छ । सभापतिको नतिजा आएपछि मात्रै अन्य पदाधिकारीको मतगणना हुनेछ ।