च्याम्पियन्स लिगमा लिभरपुलको जित

काठमाडौँ- च्याम्पियन्स लिग फुटबल अन्तर्गत इंग्लिस क्लब लिभरपुलले स्कटिस क्लब रेन्जर्समाथि जित हात पारेको छ । समूह ‘ए’ अन्तर्गत मंगलबार राति भएको खेलमा लिभरपुलले रेन्जर्सलाई २-० गोल अन्तरले पराजित गरेको हो ।

एनफिल्डमा भएको खेलमा लिभरपुललाई जित दिलाउन अलेक्जेन्डर आरनोल्ड र मोहमद सालाहले एक-एक गोल गरे । खेलको ७ औँ मिनेटमा गोल गर्दै आरनोल्डले लिभरपुललाई अग्रता दिलाउदा सालाहले ५३ औँ मिनेटमा पेनाल्टीमार्फत एक गोल थपेका थिए ।

---

जितसँगै लिभरपुलले ३ खेलबाट ६ अंक जोडेको छ । समूह ‘ए’ मै रहेको नापोलीले अयाक्सलाई ६-१ गोल अन्तरले पराजित गर्दै लगातार तीन खेलमा जित हात पारेको छ ।