वेस्ट इण्डिज विरुद्धको टी-२० सिरिजमा इङ्‌ल्याण्डको विजयी शुरुवात

काठमाडौँ- इङ्‌ल्याण्डले वेस्ट इण्डिजविरुद्धको टी-२० सिरिजमा विजयी शुरुवात गरेको छ ।

गएराती भएको सिरिजको पहिलो खेलमा इङ्‌ल्याण्डले वेस्ट इण्डिजलाई ८ विकेटले पराजित गरेको हो । वेस्ट इण्डिजले दिएको १८३ रन्को लक्ष्य पछाएको इङ्‌ल्याण्डले १६.५ ओभरमा २ विकेट गुमाउँदै लक्ष्य पुरा गरेको थियो । इङ्‌ल्याण्डका लागि फिल साल्टले १०३ तथा ज्याकब बेथेलले ५८ रन बनाएका थिए । 

---

यस अघि वेस्ट इण्डिजले टस हारेर पहिला ब्याटिङ गर्दै २० ओभरमा ९ विकेट गुमाएर १८२ रन बनाएको थियो ।

यो जितपछि ५ खेलको सिरिजमा इङ्‌ल्याण्डले १-० को अग्रता हासिल गरेको छ ।